Hem garem bigfala wari long Solomon Islands long nius wea i kam aut long disfala wik olsem kantri hem garem 34 niu keis blong sik HIV wea bem bringim totol namba blong HIV keis hem kasem 79.
Minista blong Health, Dr Paul Popora Bosawai ibin talem aot olsem 25 long olketa niufala keis ia hem olketa man and 9fala mere.
Mak blong HIV hem gogo hae tu long Fiji wea hem lukim long 2024 olketa rekodim 1,583 niufala keis and long Papua New Guinea, olketa rekodim samting olsem 11,000 niufala keis.
Chief Executive blong Solomon Islands Planned Parenthood Association, Jack Martin hem se nomata namba hem smol nomoa long kantri, tru namba hem mas hae bikos plande high risk pipol ino save go fo test fo HIV.
Image Details
SIPPA Executive Officer, Jack Martin (SIBC TV)