Namba 35 Annual Congress blong Vanuatu Football Federation ibin harem plante toktok long sait long ol developmen we ibin kamap, oli apruvim bajet blong 2026 mo oli lukluk long ol future strategy blong football long kantri.
Congress blong disfala yia, Port Vila Football Association nau ibin hostim long Teouma Football Academy long Port Vila, mo hem finis long Mande wetem plande toktok tu long sait blong niu OFC Professional League.
President blong PVFA, Harry Atisson hem se, VFF Congress mo Gavman igivim full sapot blong professional club we oli kolem Vanuatu United FC...be igat sam kwesten istap blong tufala OFC Pro League mo OFC Champions League.