Bikpla bung blong ol forum long sait long sorcery or sanguma pasin long Bougainville i laikim bai imas gat wanpla Parliamentary Committee blong lukautim sait long Sorcery Accusation Related Violence long Bougainville.
Displa singaut igo long ABG Palamen em i bihainim displa joint forum blong ol lidaman-meri na parliamentarian blong South, Central na Nothern region oli holim long Arawa long mun Novemba.
Director blong ABG Justice and Legal Services Department blong Central na South Bougainville husat igopass long displa wok, Dennis Kuiai itok displa forum iluksave long Sorcery Accusation Related Violence olsem em wanpla bikpla heve we i karamapim laip blong ol pipol.
Em olsem na oli laik bai Gavman i putim wanpa permanent parliamentary komiti blong lukautim.