Ol pipal em oli gat disability long Solomon Islands igat right tu long kisim paua oa energy long lukautim laif blong olgeta, wankaen olsem ol pipal em oli nogat disability.
Despla em toktok blong Casper Fa'asala, Chief Executive Officer (CEO) blong National Disability Forum blong Solomon Islands, na emi bin autim long wanpla bikpla miting long Honiara tupla wik igo pinis.
Ol laen blong Ministry of Mines, Energy na Rural Electrification (MMERE) na ofis blong United Nations Development Programme (UNDP) ibin lukautim despla miting.
Wanpla long ol samting we oli bin toktok long en em pasin blong kros long graon we isave stopim ol wok divelopman long kantri, olsem wok blong iusim ol bikpla wara oa riva long kamapim paua.
Mr Fa'asala itok olsem paua oa iletrisiti bai nap helpim olgeta pipal, wantem tu ol pipal em oli gat disability.
Caroline Tiriman i askim em pastem long stori long wonem ol toktok emi bin mekim long despla miting.
Credits
Image Details
Disability advocate Savina Nongebatu