Ol memba na siaman blong Bipartisan Parliamentary Committee on Bougainville Matters iharim long ol yut lida olsem ol yangpla pipol blong Bougainville ilaikim independens.
Insait long komiti we memba blong Rabaul, Dr Allan Marat isiaman longen, ol iharim olsem igat bel hevi tu long gavman blong Papua New Guinea long hau emi dil wantaim Bougainville independens muvmen.
Yut lida, Kybrown Keriri imekim displa toktok long komiti las wik long taim komiti ibungim ol pipol long Bougainville.
Narapla yut lida, Max Serero blong Panguna itok strong olsem planti laip ibin lus long Bougainville na displa pait istat bipo tru na planti ikarim displa hevi blong crisis yet.
Mr Serero itok ol pipol na gavman blong PNG imas givim bek na sapotim helpim we Bougainville ibin givim PNG long helpim independens blong PNG.
Bihainim toktok blong Mr Serero, bipo memba blong PNG palamen, Bire Kimisopa imekim wankain toktok long bung blong komiti long Goroka, Esstern hailans provins las mun.
Credits
Image Details
Bougainville youth vote in historic referendum on possible independence from PNG. Photo: Bougainville Referendum Commission