Ol pipol blong Autonomous Rijen blong Bougainville itokaut klia gen long Papua New Guinea gavman olsem laik blong ol em iklia pinis long displa 97.7 pesent independens vout blong ol.
Long wanpla bung blong Bipartisan Parliamentary Committee on Bougainville konsaltesen miting las wik, komiti iharim toktok blong ol lida na pipol long Bougainville.
Insait long komiti em memba blong Abau, Dr Puka Temu, memba blong Rabaul na siaman blong komiti, Dr Allan Marat, Gavana blong West New Britain, Sasindrah Muthuvel na memba blong North Bougainville, Francesca Semoso.
Dr Marat itokim ol pipol long displa bung olsem, maski igat toktok olsem ol narapla rijen bai toktok long lusim PNG tu, displa em ino wankain olsem rot we ol Bougainville pipol ibhainim.
Ms Semoso itokim ol pipol blong em tu olsem em isave sanap long toktok blong em long PNG palamen olsem PNG gavman imas luksave long laik blong ol pipol blong Bougainville.
ABG vais president, Ezekiel Massatt itokim komiti olsem laik blong ol pipol ino senis.
Em itok displa Melanesian agriment imas bihainim laik blong ol Bougainville pipo.
Credits
Image Details
Bougainville commemorated the 24th Anniversary of the Bougainville Peace Agreement (BPA) on 30 August 2025.